حملة قول اسف متقولش سوري

بسم الله الرحمن الرحيم

السلام عليكم ورحمة الله وبركاته

انا انهاردة بقدملكم حملة جديدة من نوعها اسمها قول اسف ومتقولش سوري

احنا طبعا عارفين ان مصر اليومين دول بتمر بمرحلة جلنزة وامركة بايخة اوي واحنا
السبب ف كل دة لييييييييييييييه؟؟؟؟؟؟؟؟؟؟؟؟؟؟ عشان احنا اللي دايما نجري
ورا الكلام اللي بالانجليزي يعني مثلا خبطت ف واحدة الشارع من غير قصد
بتقولها ايه ؟؟؟؟ اكيد بتقول سوري عشان تبان انك واد روش وكدة صح ولا غلط
؟؟؟؟؟؟؟ كمان حاجة لما بتيجي مثلا تطلب من واحدة اي حاجة واحدة زميلتك ف
الجامعة مثلا او واحدة متعرفهاش عجبتك وعايز تظبط معاها تعمل فيها روش بقى
وواد استايل وتقولها ( exuseme) طب ليه متقولش لو سمحتي ؟؟؟؟؟؟!!!!؟؟
غريبة مش كدة

طب ممكن سؤال لسيادتك ؟؟؟؟؟؟؟؟؟

انت لو سافرت برا هناخد مثلا لندن يا ترى الشباب هناك بيتكلموا عربي ؟؟؟؟

يا ترى الشباب في انجلترا او امريكا بيقولوا اسف بدل سوري يا ترى بيقولوا بعد ازنك بتشوف واحد فيهم بينطق عربي اساسا ؟؟؟؟؟؟

طب بلاش كل دة

يفط المحلات عمرك لاقيت يافطة ف لوس انجلوس بتقول سلسة محلات الحياة مثلا او لاقيت عمرك يافطة امريكية فيها حرف عربي؟؟؟؟؟؟؟؟؟

اكيد لا دلوقتي امشي ف أي شارع عندنا ف مصر هتلاقي مثلا amircan group او love theme مثلا يعني

تقريباً معظم المحلات بالمنظر دة

بلااااااااااااااااااااااااااااش

خلينا ف النت

عمرك لاقيت موقع اسمه (ووو.العاب.شبكة)اكيد لا طب لييييييييييييييييييييه مفيش مواقع باللغة العربية ؟؟؟؟؟؟؟؟؟؟؟

يا شباب يمكن دي حاجة مفكرناش فيها قبل كدة بس يا ريت نحترم لغتنا اكتر من
كدة شوية لأنها تستاهل الاحترام اوي اوعوا تستهينوا بلغتكم احنا لغتنا
الجميلة من اعرق اللغات ومن اولى اللغات اللي ربنا خلقها دي لغة القرآن يا
جماعة ليه منعتزش بيها؟؟؟؟؟!!!؟؟؟

احنا ممكن نكون بنحب اللغات الاجنبية اه ماشي بس مش لدرجة السيطرة الواضحة دي ف عالمنا العربي الاسلامي
انت ليك الشرف انك مصري وليك الشرف الاكبر انك مسلم حط دة ف دماغك كويس

يا جماعة لازم تضموا صوتكوا لصوتي

تحياتي

منشي

جميل الموضوع ومش هقولك
سان** هقولك تسلم ايدك