kokowawa
عدد المساهمات : 36
النوع : 
تاريخ التسجيل : 26/05/2009
العمر : 34
 المزاج : lazez w rai2
 | موضوع: لو أبوها رد هتعمل ايه ؟  الإثنين يونيو 15, 2009 2:37 pm | |
| لو أبوها رفع السماعة هتعمل ايه؟
تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة...
بتحبني ياتوفيق؟
طبعا ياجمالات :hartje: دانتي الهوا اللي بتنفسه والميه اللي بشربها.... ناقص تقولها سجارة البانجو اللي بتكيفني
يعني مش هتتخلي عني أبدا
عمري ياحبي وحتي تنطفيء النجوم
وحتي يقع القمر
وحتي يفوز الذمالك علي الأهلي
عيب تقولي كده ياجمالات
سمعتي أغنية بحبك بتاعة رامي صبري؟.
اه مالها ياحبيبي....
.كل كلمة فيها بتفكرني بيكي يانور عيني
بحبك نفسي أقولهالك: وانا ايدي في ايد....
وفجأه.
نعم ياروح أمك؟
.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها
ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني
في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده
ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟
ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟
ده سيناريو مكتمل محتمل للي ممكن يحصل
فيه سيناريو تاني
.نعم ياروح أمك؟......ده أبوها
ساعتها انت موش هتقفل السكة
ثواني ياعمي أنا والله بحب جمالات بس مستني وقت أرتبط بيها
وهنا هيختلف رد فعل الأب حسب شخصيته يعني ممكن يكون راجل جنتل ويقولك
حب ايه ياحيلة الست الحاجة روح ياض العب بعيد
وممكن يكون راجل عقلاني....
هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟
وهنا هتبان نواياك
يااما تاخد منه معاد تقابله وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي
.تك....صوت سماعة بتتحط وسكة بتتقفل في وشك
فيه سيناريو تالت
أنك تطلع ندل وترد عليه
ماتشتمش يابا الحاج انت متلم بنتك ياأخويا
انا مضربتهاش علي ايدها
وطبعا رد فعل الراجل علي بق زي ده
يااما هيقع علي الكرسي من الصدمة وتسمع صوت (بابا بابا)
أو هيرد علي كلامك
وممكن يبقي فيه سيناريو رابع
أول ماابوها يدخل...هتلاقي جمالاات بتقولك
ثواني ياتيفا...بتدلعك ياعم مين قدك يابختك
فيه حاجة يابابا مخبطتش ليه قبل ماتدخل.
.معلش ياجمالاات اصلي كنت بدور علي حاجة معلش اني مخبطتش
.طيب يابابا عاوز حاجة؟
لا خلاص هدور في أوضة تانية
وفيه سيناريو كمان
.وده بقي محتاج واد ابن جنية
وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش
وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة) :
أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف
.لو أبوها راجل ودمه حامي
فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان
لو انتوا (الشباب طبعا) مكان توفيق هتعملوا ايه عايزه الرد بصراااااحه
ملطوش | |
|
amr
لسة صغير
عدد المساهمات : 235
النوع : 
تاريخ التسجيل : 03/06/2009
العمر : 37
المزاج : كورة
| | موضوع: رد: لو أبوها رد هتعمل ايه ؟ الإثنين يونيو 15, 2009 2:53 pm | |
| هههههههههههههههههههههههههههه
هههههههههههههههههههههههههههه
بجد الله ينور عليكى بس انا عمرى ما هكلم حبيبتى الساعه 2 بالليل
وبعدين الموضوع عجبنى جدا جدا جدا
تسلم ايدك
باين عليكى بت فاهمه الحياه كويس
شكرا على الموضوع | |
|
seven
انا المديير
عدد المساهمات : 45
النوع :
تاريخ التسجيل : 23/05/2009
العمر : 114
المزاج : 100%
| | موضوع: رد: لو أبوها رد هتعمل ايه ؟ الإثنين يونيو 15, 2009 3:05 pm | |
| جامد التوبك دا
تسلم ايدك
موضيع جمدة ومنتظرين الجديد والجديد | |
|
kokowawa
عدد المساهمات : 36
النوع :
تاريخ التسجيل : 26/05/2009
العمر : 34
المزاج : lazez w rai2
| | موضوع: رد: لو أبوها رد هتعمل ايه ؟ الثلاثاء يونيو 16, 2009 6:38 am | |
| تسلموا كلكم بس محدش قال هيعمل ايه لو اتحط فى الموقف دة؟؟؟؟؟؟؟؟؟؟؟ | |
|
