الطـــــــــــمــــــــــــــــــــــــوح

السلام عليكم ورحمه الله وبركاته

موضوع انهاردة بيتكلم عن شئ لو فقدنا يبقى فقدنا الشعور بالحياه

زمان واحنا صغيرين كانوا يسألونا عايز تطلع ايه ياحبيبى واحنا بكل براءة نرد ونقول عايز اطلع دكتور
والتانى يقول عايز اطلع ظابط والتالت يقول عايز اطلع مهندس
صغيرين بقى مش فاهمين احنا بنقول ايه بنقلد وخلاص دة بابا دكتور انا هطلع دكتور دة بابا ظابط انا كمان هطلع ظابط

طيب احنا كبرنا ياترى بقى فهمنا احنا عايزين ايه ولا بردو بنقلد
انا عايز اتكلم فى حاجة مهمه اووى وهى

( الــــــــــــــــــــــــطــــــــــــــــــــــم ـــــــــــــــــــــــــــــوح )

الطموح
الهدف او المشروع لأي إنسان لا يريد أن يكون انسان عادى

طيب ممكن نقف لحظه نقف برهه ونفكر كدة

انت طموح ايه فى الدنيا دى ؟

وعايش بطموح فعلا فى فكرك ولا لا ؟

عايشها ببركه دعا الوالدين يعنى ولا بالفعل راسم لنفسك طريق وبتجاهد انك تمشيه للاخر

عمرك فكرت فى ماضيك كان ماشى ازاى طيب فكرت فى حاضرك بتعمل فيه ايه طيب بتفكريك فى الاتنين دول خلاك تفكر فى مستقبلك

رسمت وخطط لنفسك

طيب ماعملتش حاجة من دول طيب عايش ليه ماسألتش نفسك بردو السؤال دة

عمرك قولت لنفسك يعنى ايه تحدى

عمرك قولت لنفسك انا هتحدى نفسك وهغلب امرى وهوصل للى انا عايزه

ويااااااااااااه بقى

لو وصلت فعلا للى انت عايزه

اعتقد الثقه اللى هتبقى فيك مالها حدود واعتقد برضو ان التحدى والثقه ليهم ارتباط ببعض

لو نجح التحدى هتوصل للثقه

طيب دنيتنا دى بنقابل فيها اشكال والوان من الناس

منهم المتفائل اللى حياته كلها مليها بالامل وقع مرة بيجرب تانى مابيستسلمش عايش فى حياته بأمله ده

وبردو فيه المتشائم اللى شايف الدنيا سودة مافيهاش الوان وقع مرة خلاص عليها يبقى الدنيا دى وحشه ومالهاش امان

انت بقى فين من دول شايف نفسك ايه من دول

فى ناس بتبص للحياه من بره من قشورها وبس افكارها لا تتعدى من تحت اقدامهم مع ان فيه طريق قدامه طويل بس نظرته مابتتعداش خطوته

فين التأمل فين التطلع فين الامل والاشراق فين النظرة الايجابيه اللى اكيد بيها بتتغير مجرى الحياه تماما

يعنى كتيييييييييير بيقول يا عم انا كل اللى طالبه من ربنا اطلع صافى السنه دى واخلص بقى من ارف الكليه وسنينها

ولو لسه فى مدرسه يقول ايه اووف امتى اخلص المدرسه الهباب دى وادخل الكليه وانجز مش عارف انه هيدخل فى الاتقل

يعنى كل غايته من الدراسه انه ينجح وكان الله بالسر عليم وخلصت الحكايه على كدة

بالرغم من ان كل واحد فيهم بتبقى جواه طاقه كويسه اووى وبتبقى كامنه ومش عارف قيمتها

اعتقد بقى ان كل اللى شخصياتهم وتفكيرهم اكيد اكيد لنا هيقعوا هيدركوا ويحسوا الواقع بجد

والله يعجبنى كتيييييييييير من يفكر فى مستقبله ويرسم امال له ويخطط لها

بس الاهم من الطموح دة ان تخطط له صح عشان توصل لنتايج فعلا صح ومرغوبه

واكيييييييييييييييييييييييييييييد

لو اخدنا شعار النجاح والطموح فى حياتنا حاجات كتير هتتغير والله

ياترى بقى كل واحد عنده طموح بيخطط لحياته بيرسم لنفسه طريق يمشى فيه

وايه هو طموحك لو فعلا راسم لنفسك امال

ولو ماعندكش طموح مستنى ايه عشان تعيش بقى
وشــــــــــــــــــكـــــــــــــــــــرا