محتاره وعايزه مساعده؟

محتاره
سوال مهم ارجو كلكم تردوا عليه؟

فى مقوله بتقول رحم الله امرئ عرف قدر نفسه
تفتكروا ان فى ناس مش بتعرف تتعامل مع الحب؟
يعنى الشخص المفروض ان تصرفاته قبل وبعد الحب تتغير لان دلوقتى بقى فى شريك له فى حياته بمعنى انه قبل كده كان من السهل عنده تطلع فى دماغه تصرفات زى مثلا يخرج فكل اللى مطلوب منه هو انه يستاذن والده ويخرج بس طبعا بعد مااتخطب الحكايه بتفرق ماينفعشى يطلع فى دماغه حاجه فيقوم عاملها
كمان طول الوقت هو مطالب انه يفكر فى شريك حياته المستقبلى
بصراحه عندى موقف هحكيه وعايز اعرف ارائكم
عندى صديقه مقربه جدا ليه والفتره الاخيره كنت مشغوله شويه وهى المفروض عندها مناسبه قريب والمناسبه ديه المفروض انها بكره وهى اجلت انها تنزل تشترى ملابس للمناسبه ديه لحد مااخلص ظروفى واخرت نفسها تقريبا لاخر وقت علشان بس هى بتحب انى انزل اشترى معاها اللبس والمفروض ان ده كان هيحصل فى بريك الشغل بتاعنا المفروض كمان ان الشخص اللى بحبه اتفق معايا انه هيعدى عليه فى الشغل تقريبا الساعه 4 المهم انى روحت اشترى معاها اللبس واتاخرنا لحد 5 ونصف فطبعا هو زعل لانه المفروض عرف اننا لسه مارجعناش فاخر نفسه تقريبا ساعه واللى ضايقه كمان انى مااتصلتش بيه اقوله انى هتاخر ممكن اكون فعلا انا الللى غلطانه بس انا فعلا ماجاش فى دماغى اقوله اننا هنتاخر مش عارفه ليه بس بجد انا متاكده انى بحبه بس الاحساس المسيطر عليه هو انى كنت عصفوره بطير واعمل اللى انا عايزاه فى اى وقت ودلوقتى حاسه انى بدخل قفص وانى بتخنق مع انى والله بحبه

اولا من كلامك متأكدين تماما ان انتى بتحبيه
ثانيا معنى ان انتى تنسى فا اللى كان مسيطر عليكى ان صحبتك اخرت نفسها كتير علشانك فا كان كل تفكيرك ان انتى تروحى معاها علشان هى اتأخرت كتير علشانك

بخصوص ان انتى بتقولى داخله قفص ده تعبير غلط
حتى لو كنتى داخله قفص فا اعرفى برده انه لو بيحبك وى هتلاقيه فى نفس القفص ده
وهو ده بقى اللى بندفعه علشان الحب(مهر الحب يعنى)
شكرا ومفيش مشاكل ولا حاجه ربنا يوفقك

اغلبنا قرر عدم الارتباط عشان مايحسش احساسك ده انه انا مرتاحه وكفايه سيطرة اهلى

هيجى حد كمان يخنقنى

بس هقولك على حاجه لحد امتى هنفكر كده حبه وهتلاقي كل صحابك انشغلوا عنك

لارتباطهم لاشغالهم وهو بس اللى باقي ليكى

راىى تعتزرى له وفهميه انك مقصدتيش

ومن الاول اتفقوا امتى هتخرجى مع صحابك وامتى هتخرجى معاه

وربنا يتملك ياجميل

ميرسى ياعمرو جدا لانك اخدت من وقتك حتى لو دقايق علشان ترد عليه
بس بداءت افكر انى ممكن اكون صديقه كويسه او اخت مش بطاله بس اظن انى حبيبه فاشله فبفكر ارحمه من حرقه الدم اللى بسببهاله كل مره مع انى عارفه انه هيتعذب لانى متاكده انه بيحبنى بس اظن وجع ساعه ولا كل ساعه

ميرسى ياساندرا وبجد انا كنت فعلا مرتاحه البال بس الظاهر انه شر لابد منه
ربنا يرزقك باابن الحلال اللى يسعدك

الله يخليكى يا جميل بس زى منا بقولك كده

بتحبيه ومتاكده من حبه ليكى

فحافظى عليه عشان متندميش

بصي اعتقد انتي طيبه جدا وبتتعاملي دايما بقلبك مش بعقلك و الكلام ده لازم يفهمو شريك حياتك عشان الحياه تمشي بس هو لو بيحبك هيفهم كده لو مفهمش يبقي هيحصل نفس الموقف ده كتير و هتزعلو مع بعض وربنا انشالله ما يجيب زعل تاني وتعزمو المنتدي كلو علي الفرح

للاسف انا مشكلتى انى بشغل عقلى كتير جدا وديه حاجه بتتعبنى وطبعا تعباه معايا بس ميرسى كتير ليك انك شايفنى طيبه والطيبه صفه حلوه جدا وان شاء الله طبعا انت اول المدعوين
وانشاء الله تيجى طبعا رغم مشغولياتك ياسياده المدير العام

ان شاء الله يا ميرو ربنا هيوفقك
بس مش عايزك تزعلى نفسك احنا هنا كلنا اخواتك
ربنا يوفقك يا رب