شـــوف إزاى البلــــــــــد عــــــاوزه مصلحتــــــــــــك ..!!

كل يوم بنسمع مشاكل وحاجات بتحصل
فى البلد ....الكل فاكر أن الدولة باظت
طبعا لا لان الدولة بتعمل كدة علشان
عاوزة مصلحتك الجديد بقى ان الدولة هى

اللى عاملة بطالة ...هتسألنى طبعا يعنى
هى اللى قاصدة ..
هقولك طبعا... لانها عاوزة مصلحتك..أزاى ؟؟؟

هقولك
انا لان الدولة مش عاوزة تتعب الشباب ... يعنى ترضى ان انت تفضل تعبان طول
اليوم شغل وارهاق وبهدلة ...هى الدولة هتتعبك ازاى يعنى ...ده روحها
فيك... الدولة عاوزاك تنام وتستريح وتصحى بدرى علشان تنام تانى ...انت اهم
حاجة تاكل وتشرب وتنام وتدخل الـ.... وبس وتنزل فى السهرة تقعد على القهوة
...ودة كمان علشان القهاوى تشتغل يعنى بذمتك لو الشباب كلة اشتغل مين اللى
هيعقد على القهاوى ..وتتقفل وكدة هيقطع عيش القهوجى ... ودة طبعا حرااام
..طبعا الدولة والحكومة بتحب شعبها
وهى كدة ضربت حجرين بشيشة ريحتك وشغلت القهاوى.
لا ومش بس كدة دا بتاخد منك الضرائب لمصلحتك برضة ...هتقولى طبعا الضرائب .. وعايزة مصلحتك ... هقولك طبعا
هى
مش بتاخد منك الفلوس علشان تصرفها عليك علشان انت مش هتعرف تصرفها كويس
..ممكن تبعترها فى اى حاجة ..تفتح مشروع ولا حاجة لا قدر الله ...فهم
خدوها علشان يستثمروهالك...وتصرفها عليك ...انا عارف ان انت هتقولى
بتصرفها عليا فين هقولك انت عندك حق.. بس هى برضة بتعمل لمصلحتك..الدولة
عينهالك علشان الورثة..مش هى لازم تأمن مستقبل الجيل اللى مش جاى قصدى
اللى جاى .........
الدولة
مش عارفة تعمل اية علشان تريحك ياعينى عليها والله بتتعب جدا ...ياراجل دا
باعت اللى قدمها واللى وراها ..لدرجة انها بقت على الحديدة..كل دة لية..
علشان تتمتع انت وتاكل عيش ابو شلن وتنبسط..لا ومش بس كدة دة استغلت ان
الحديد غلى وباعت الحديدة...مش عارف نودى جمايل الحكومة دى فين ربنا
يخليلنا الحكومة...شوفت الحكومة بتتعب ازاى...كل دة علشان عاوز مصلحتك
دايما ظالمين البلد كدة

اجمل موضوع شفته على المنتدى واللهى